Бесіктен белі шықпаған,
Өмірден түк те ұқпаған,
Техникамен арбалып,
Дәстүр санаға жұқпаған,
Кімнен, нені күтеміз?
Анасын сыйлай білмейтін,
Әкенің сөзін ілмейтін,
Баратын жері клуб, бар,
Мешітке мүлде кірмейтін,
Кімнен, нені күтеміз?
Адал дос жоқтың қасында,
Өзіндік ой жоқ басында,
Кеудесін керіп, пісірген,
Ақша мен байлық, расында,
Кімнен, нені күтеміз?
Білмейді Абай дананы,
Ұмытқан кітапхананы,
Пайдасыз ілім-біліммен,
Толтырған миды, сананы,
Кімнен, нені күтеміз?
Махаббат деген бір түндік,
Отбасын құрар бір күндік,
Болдырмай, алдын алмастан,
Ажырасқандарға мың күлдік,
Кімнен, нені күтеміз?
Тілемей үйді балалы,
Таңдамай дұрыс саланы,
Ауылдан қашып бәріміз,
Қаладық дала, қаланы,
Кімнен, нені күтеміз?
Біреуді алдау, арбауды,
Үйрендік қалай қармауды,
Көк бізді қабыл алардай,
Аңсаймыз көкке самғауды,
Кімнен, нені күтеміз?
Құранды төрге қоямыз,
Оқымасақ та, тоямыз,
Бетіміз жылтыр, тым сұлу,
Көкіректе ұйқы, ояумыз.
Кімнен, нені күтеміз?
Айтса егер біреу ақылды,
Тыңдамай, сабыр сарқылды,
Арамды достай көреміз,
Шет жаққа теуіп жақынды,
Кімнен, нені күтеміз?
Жеті ата білмес жетесіз,
Иман, білімсіз не етесіз,
Осылай жалғас тапса егер,
Бөлініп көптен кетесіз,
Кімнен, нені күтеміз?...
Санамнан ақыл қашпағын,
Орынсыз сөзді шашпағын,
Тыйғаннан тыйым бол-дағы,
Харамды білгін, баспағын,
Қаласаң адам боп қалғың,
Адамдықтан, дос, аспағын...
Кімнен, нені күтеміз..?
|

О блоге
Прямой эфир
-
Ернар Елмуратов добавил(-а) новую запись: "Узнаем у имама: запрещено ли в религии изображать ..."2 года назадБөгенбай ЗИЯЛЫ добавил(-а) новую запись: "День бороды: история неотъемлемой части мужской мо..."2 года назадCаттар добавил(-а) новую запись: "Әке гені жүктілік кезінде болашақ ананың метаболиз..."2 года назадNurqanat Baizaq добавил(-а) новую запись: "Ерлан Мазан: Қытай азаматтығынан бас тартқан тұлға..."2 года назадЕрнар Елмуратов добавил(-а) новую запись: "У меня украли деньги, отданные мне на хранение. Яв..."2 года назадCаттар добавил(-а) новую запись: "Мәди Сырымбет: Тәліптермен кездесудің не мәні бар?..."2 года назад2025, Islam.kz - национальный, духовно-просветительский портал
Использование материалов разрешается при условии ссылки на islam.kz.
Iзгiлiк пенен құт егіз,
Тисе де басқа тоқпақ мол
Бабадан қалған соқпақ сол -
Тәңірден тілеп тек қана,
Құдайдан үміт күтеміз......